Vllasi: Kjo çfarë po ndodh është befasi e keqe, zhgënjim dhe diçka e papritur

Avokati Azem Vllasi ishte ftuar i Baton Haxhiut në “Zona B” të Klan Kosovës, ku është shprehur se këto që po ndodhin në Kosovë janë shumë të pakëndshme.

“Politika është lëmia ku mund të ndodhë çkado – e vetmja sferë ku mund të ndodhin befasi, gjëra të këndshme dhe të pakëndshme. Kjo që po ndodh në Kosovë është befasi e keqe, zhgënjim dhe diçka e papritur. Ne kemi vuajtur shumë dhe me dëshirë e kemi pritur vitin 1999, atë kthesë të madhe. Tash kur e shijojmë lirinë duket se ne po e abuzojmë lirinë vetë. Raportet aq shumë janë ashpërsuar sa shpërthejnë në këtë mënyrë e kjo çfarë po ndodh është e panevojshme”, ka thënë ai.