Vllasi: Flamuri në Beograd, një provokim simpatik

Analisti, Azem Vllasi i pyetur nga “Zëri” nëse do të përkeqësohen raportet Shqipëri –Serbi pas incidenteve në ndeshjen ndërmjet përfaqësueseve të këtyre dy shteteve në futboll, Vllasi ka thënë ky ishte një provokim simpatik dhe i paramenduar mirë si përgjigje ndaj moslejimit të shqiptarëve që të shikojnë ndeshjen nga afër.

Megjithatë sipas Vllasit këto raste duhet të mbesin në kuadër të sportit.

“Ajo që ndodhi në Beograd ishte një provokim simpatik, por i paramenduar në mënyrë shumë inteligjente prej atyre që e kanë bërë dhe ishte si përgjigje ndaj përsëritjeve për ditë me radhë të zyrtarëve serb se nuk do të lëshojnë asnjë shqiptar të hyjë në stadium për ta përcjellë atë ndeshje. Kjo është skandaloze edhe për nga kriteret e UEFA-s, sepse shteti nikoqir nuk mund të ua ndalon hyrjen mysafirëve. Kjo ishte përgjigje mirë e paramenduar, duke ia u bërë me dije se nëse nuk na leni të hyjmë nëpër tokë, atëherë ne ia u organizojmë zbarkimin e elementeve kombëtare nga ajri. Por kjo duhet të mbesë në kuadër të raporteve të sportit”, ka thënë Vllasi për “Zërin”.