Vllasi: Bisedimet kanë rrëshqitur në një proces të pafund

Analisti politik, Azem Vllasi ka thënë se dialogu mes Prishtinës dhe Beogradit mund të dështojë në rast se Beogradi vazhdon të parashtrojë kërkesa të reja sikurse ajo e fletëvotimeve në veri për zgjedhjet lokale të 3 nëntorit.

“Ka rrezik të dështojnë bisedimet. Përndryshe këto bisedime kanë rrëshqitur në një proces të pa fund”, ka deklaruar Vllasi për gazetën “Epoka e re”.

Sipas tije pretendimet e Ivica Daçiqit për dizajnin e këtyre fletëvotimeve paraqesin ndërhyrje flagrante në punët e brendshëm të Kosovës.

Vllasi ka thëne, se është interes i Kosovës dhe Serbisë që serbët e veriut të dalin në zgjedhje. Ai ka pohuar se Kosova viteve të fundit më shumë është duke u marrë me Serbinë, se sa në kohën kur vendi ynë nën regjimin e këtij shteti. /Indeksonline/