Vllasi: Biden vjen në Kosovë për disa detyra të shtëpisë

Vizita e zëvendëspresidentit amerikan, Joe Biden, në Kosovë dhe në Serbi është e dobishme dhe ai vjen me mesazhe të duhura për të dyja palët, si për Serbinë dhe për Kosovën. Kështu ka thënë për ‘Zeri.info’, analisti politik Azem Vllasi.

“Unë mendoj se vizita e Biden-it në Kosovë është e dobishme, sepse të dyja palëve u jep disa detyra shtëpiake. Së pari Serbisë do t’i sugjerojë se si duhet të pranojë realitetin e Kosovës, ndërsa Kosovës se si duhet t’i normalizojë marrëdhëniet ndërmjet vetes”, ka thënë Vllasi për “Zërin”.

Sipas tij, zëvendëspresidenti do t’i japë Kosovës rekomandime që të mos shkaktojë probleme të brendshme dhe të mos destabilizojë shtetin në lidhje me demarkacionin. Ndryshe, Joe Biden do të arrijë sot në Prishtinë në orën 19:30. /ZERI/