Vlerësohet lart kontributi i padukshëm i Kuqit

Edinburgh – Trajneri i Hibernianit, Pat Fenlon, dhe sulmuesi i ri, Ross Caldwell, kanë lavdëruar kontributin jashtë fushe të futbollistit nga Kosova, Shefki Kuqi.

Është ironike se ndihma dhe këshillat që u ka dhënë Kuqi dy sulmuesve të rinj gjatë stërvitjeve kanë ndikuar që ish-reprezentuesi i Finlandës të jetë vetëm rezervist.

Tash, pasi që shënuesi më i mirë i Premier Leagues së Skocisë, Leigh Griffiths pritet të mungojë të shtunën ndaj Invernessit, shkaku i lëndimit, Caldwelli është favorit për të startuar, transmeton Koha Ditore shkrimin e The Edinburgh Reporter.