Vjeshta letrare përmbyll aktivitetin me veprat e Rrahim Sadikut

Gjilan – Edicioni i pestë i Manifestimit tash tradicional, “Vjeshta letrare e Gjilanit”, këtë vit filloi rrugëtimin dymujor me 11 Tetor 2014, në Galerinë e Arteve , me prezantimin e 16 titujve të rij të këtij viti si dhe me paraqitjen e autorëve të pranishëm, para artdashësve dhe shumë krijuesve.Ndërsa sot, më 13 Dhjetor, i përmbyll veprimtaritë e këtij Edicioni, duke i prezentuar veprat më të reja të shkrimtarit Rrahim Sadiku, të cilat i botoi këtë vit përmes Shtëpisë Botuese “Beqir Musliu”

Më 18 tetor 2014, prezantoi portretin letrar të poetit gjilanas që jeton dhe vepron në Zvicër, Bujar Salihut, në sallën e KK të Gjilanit.

Gjatë datave 23 – 25 Tetor 2014, në kuadër të Panairit të Librit, organizoi “Orën e Shkrimtarëve” , ku para pjesëmarrësve të shumtë të Panairit u paraqiten 12 shkrimtarë.

Më 24 Tetor 2014 prezantoi portretin letrar të studiuesit të letërsisë dhe poetit Bajram Kosumi, në Sallën e KK të Gjilanit.

Më 25 Tetor 2014, në ditën përmbyllëse të Panairit, prezantoi figurën e humanistit , veprimtarit dhe intelektualit të shquar, don Lush Gjergjit, në bashkëpunim me Bibliotekën e Qytetit, në Sallën e KK të Gjilanit.

Më 1 Nëntor 2014, prezantoi portretin letrar të shkrimtarit Prend Buzhala, në Sallën e KK të Gjilanit .

Më 8 Nëntor 2014, prezantoi portretin letrar të studiueses dhe poetes nga Tetova, Zejnepe Alili – Rexhepi.

Më 6 Dhjetor 2014, prezantoi portretin letrar të shkrimtarit dhe publicistit nga Kukësi, Petrit Palushi, në Sallën e KK të Gjilanit.

Ndërsa sot, më 13 Dhjetor, i përmbyll veprimtaritë e këtij Edicioni, duke i prezentuar veprat më të reja të shkrimtarit Rrahim Sadiku, të cilat i botoi këtë vit përmes Shtëpisë Botuese “Beqir Musliu”./rajonipress/