Vjedhjet në zgjedhje rrezikojnë MSA-në

Ambasadori i Mbretërisë së Bashkuar në Prishtinë, Ian Cliff ka thënë se mbarëvajtja e zgjedhjeve lokale të tre nëntorit është jetike në rrugën e Kosovës drejt integrimit.
“Zgjedhjet e lira dhe demokratike do të jenë vendimtare për Kosovën. Në rast nëse vërehet se procesi po manipulohet, Kosova do të rrezikoj procesin e Marrëveshjes së Stabilizim Asocimit”, ka thënë ai.
Cliff ka shtuar se Kosova do të jetë edhe më tutje një pikë e rëndësishme e interesit të politikës së jashtme britanike.
Këto deklarata ambasadori britanik i dha gjatë panelit diskutues për Politikën e Jashtme të Britanisë së Madhe ndaj Kosovës të organizuar nga Grupi për Studime Politike dhe Juridike në bashkëpunim me Këshillin e Prishtinës për Marrëdhënie me Jashtë. /Zëri/