Vjedhje me armë zjarri në sportelin e KEDS-it
![](https://rajonipress.com/file/2017/09/00_12_14054185461779676004-1.jpg)
Kompania Kosovare për Distribuim dhe Furnizim me Energji Elektrike (KEDS), ka njoftuar se sot në orët e hershme të mëngjesit, persona të panjohur kanë bërë vjedhje me armë të rënda zjarri në sportelin e KEDS-it në lagjen Bregu i Diellit në Prishtinë.
“Personat kanë shkaktuar dëme financiare dhe shëndetësore për personelin e KEDS-it që ishin prezentë në pikën e shitjes. KEDS-i ka njoftuar Policinë e Kosovës për vjedhjen dhe është duke bashkëpunuar për zgjidhjen e rastit. KEDS vlerëson se akte të tilla e dëmtojnë shoqërinë dhe beson në zgjidhjen e tyre në afatin më të shpejtë të mundshëm kohor nga organet e rendit”, është thënë në komunikatën e KEDS-it.