Vjedh valixhen me 100 mijë euro, 2 vjet burg për kosovarin

Enver B. një shtetas 34 vjeçar i Kosovës ishte akuzuar për vjedhjen e një valixheje me vlerë prej 100 mijë eurosh. Ai ka qëndruar të enjten në bankën e të akuzuarit në një gjykatë të Vjenës, ku i është shqiptuar dënimi me d vjet heqje lirie për vjedhje të rëndë.

Së bashku me dy persona të tjerë Enver B. pak para Krishtlindjeve të vitit 2013 ia kishin vënë syrin valixhes së një ruseje të pasur në Aeroportin Schwechat. Sapo rusja kishte humbur pak vëmendjen, valixhja tashmë ishte zhdukur. Në të kishte pasur dokumente, para dhe stoli në vlerë prej 100 mijë eurosh. Por, gëzimi për Enverin dhe kolegët nuk kishte qenë jetëgjatë. Kamera vëzhguese e aeroportit kishte bërë fotografi shumë të qarta të ndihmësve të tij dhe në bazë të tyre në Belgjikë ishte kapur Enver B. dhe njëri nga bashkëpunëtorët, sjkruan heute.at.

Para trupit gjykues, i akuzuari është përpjekur të hiqte fajin nga vetja, ndërsa gjykatësja i ka shqiptuar dënimin prej 24 muajsh burg, pjesërisht me kusht, prej tyre 8 muaj burg efektiv. Për prokurorin kjo masë është shumë e butë, prandaj ai do të bëjë ankesë, kështu që dënimi ende nuk është i plotfuqishëm./albinfo/