Vizitë e ENEMO-s në zyrën e LDK-së në Viti

Viti – Një delegacion i Misionit Ndërkombëtar i Vëzhgimit në Kosovë për zgjedhjet komunale 2013,vizitoi selinë e degës së LDK-së në Viti, ku u pritën nga Hasan Aliu-shef i shtabit zgjedhor dhe Jakup Haxhiu kryetar i komisionit për informim.

Në takim Aliu i njoftoi mysafiret për rrjedhën e fushatës zgjedhore, ku theksoi se dega e LDK-së kërkon zgjedhje fer dhe të ndershme, prandaj edhe kërkoi ndihmë nga ENEMO, për monitorim në ditën e zgjedhjeve.

Në vazhdim ai theksoi se vëzhguesit e LDK-së, nuk janë të penalizuar asnjë, sepse tregon fakti se asnjë nuk është larguar nga lista që e ka dërguar dega e LDK-së.

Aliu si brengë të LDK-së e theksoi mospastrimin e listave, gjë që mund të shkaktojë manipulime, e që ka ndodhur në zgjedhjet 2007 dhe 2009.

Në anën tjetër anëtaret e delegacionit nga ENEMO, u shprehen të gatshëm që të ndihmojnë me numër sa me të madh të monitoruesve në ditën e zgjedhjeve në qendrat e votimit më problematike./rajonipress/