Vitiasit të shqetësuar nga lypsarët

Viti – Kërkimi i lëmoshës vazhdon të jetë dukuri shqetësuese për qytetarët e Komunës së Vitisë. EVSB apelon te qytetarët, që mos tu ipen para lypsarëve në rrugë, shkaku i rrezikut të mundshëm nga infektimi me Coronavirus.

Duket se për lypsarët nuk ka koronavirus, ata po vazhdojnë të qëndrojnë rrugëve, lokaleve dhe skutave të tyre për çdo ditë, duke e shtrirë dorën për lëmoshë.

Masat e rrepta për parandalimin e koronavirusit kanë ndikuar në lëvizjen e pakët të qytetarëve nëpër rrugët e qytetit të Vitisë. Numri i pakët i qytetarëve nëpër rrugët e qytetit ua kishte vështirësuar punën lypsarëve, të cilët nuk rrinin më rrugëve shkaku i masave të rrepta që ishin ndërmarrë nga IKSHP-ja, kundër pandemisë.

Qytetarë të shumtë që kanë kontaktuar EVSB-në, kanë shprehur shqetësimet dhe friken e tyre, duke i parë ata si rrezik për shpërhapje të virusit.

Institucionet përkatëse duhet të merren seriozisht me këtë çështje, sepse në këtë situatë askush nuk është i sigurt nga pandemia, dhe mundësisht t`i parandalojnë këto raste, e që janë me të drejtë shqetësuese për qytetarët tanë.

Një lypsarë i infektuar duke hyrë derë më derë nëpër lokale të shumta,veçmas nëpër kafiterit e qytetit, nuk dihet se sa persona mundë të infektohen, dhe më pas numri me të infektuar mundë të jetë i lartë nëpër familjet tona.

EVSB apelon te organet përgjegjëse të marrin masa ndaj lypsarëve, ta ndalojnë këtë dukuri sepse mundësia e shpërhapjes së virusit përmes lypsarëve, mundë të jetë e madhe thuhet në reagimin e koordinatorit të EVSB-së, për:Komunën e Vitisë, Imri Emërllahu./rajonipress/