Vitiasit që jetojnë në Shkup, e mirëpresin në mënyrë të jashtëzakonshme Sokol Halitin

Viti – Sonte pata nderin dhe kënaqësinë e veçantë të mirëpritem në mënyrë të jashtëzakonshme nga bashkëqytetarët tanë vitias që jetojnë dhe veprojnë në Shkup: Mjakas, Debelldeh, Tanushë, Kërbliq, Lubishte e nga vendbanime të tjera ka shkruar Sokol Haliti.

Postimi i plotë:

Mikpritja e tyre e ngrohtë dhe vlerësimi i sinqertë që më shprehën, ishte një dëshmi e qartë e lidhjes së fortë shpirtërore dhe atdhedashurisë që këta qytetarë mbajnë për vendlindjen e tyre – Vitinë.

Përkrahja dhe mirënjohja që më dhanë, jo vetëm për punën time si kryetar, por edhe për bashkëpunëtorët e mi, më obligon edhe më shumë që të vazhdojmë me përkushtim e përgjegjësi të punojmë në shërbim të qytetarëve tanë, kudo që ata jetojnë.

Ju falënderoj nga zemra për respektin, dashurinë dhe përkrahjen tuaj të palëkundur. Kjo është forca që na motivon të ecim përpara, të punojmë me vizion dhe të ndërtojmë një Vitinë më të zhvilluar dhe më të bashkuar.