Vitiasit maltretohen në mungesë të dokumentacionit që ndodhet në Serbi

Gjilan – Qytetarët vitias ankohen Drejtori i Administratës Komunale të Vitisë Besim Halimi është vizituar nga përfaqësuesi i projektit të Binjakëzimit ECSM, Ian Sumnall. Më këtë rast ai e njoftoj atë lidhur me punën dhe angazhimin e kësaj drejtorie si dhe Institucioneve Komunale të Vitisë si në ofrimin e shërbimeve ndaj qytetarëve , po ashtu për projektet e ndryshme të komunës së Vitisë.

Duke folur për punën e shërbyesve civil , Halimi tha se qytetarët janë kryesisht të kënaqur me shërbimet Komunale si në marrjen e dokumenteve personale. “ Si drejtor i administratës Komunale me intereson të dijë se a janë qytetarët e komunës sonë të kënaqur me shërbimet të cilat ju ofrojmë atyre dhe mund të ju them lirisht se nga kontaktet e drejtpërdrejta të cilat i kam vazhdimisht me qytetarët tanë ata shprehen të kënaqur, por ka raste kur qytetarët shprehen të pakënaqur dhe atë me të drejtë për arsyeje se një pjesë e madhe të dokumentacionit të gjendjes civile para vitit 1999 gjenden në Republikën e Serbisë dhe kjo vështirëson marrjen e dokumenteve ” u shpreh Halimi.

Halimi tha se edhe përkundër faktit se kushtet në objektin e Administratës Komunale të Vitisë nuk janë të mira për shkak të hapësirës së ngushtë prapë ky institucion po i ofron qytetarëve shërbime të shpejta. Sipas tij problemi i hapësirës në objektin që gjendet Administrata Komunale pritet të zgjidhet brenda këtij viti, pasi që administrata komunale pritet të kaloj në objektin e ri që është në përfundim e sipër dhe e cila është financuar nga Komisioni Evropian.

Halimi ndër tjerash ka folur lidhur me menaxhimin e veturave zyrtare dhe kursimet që janë bërë nga Komuna e Vitisë në derivatet e naftës, ku theksoi se kjo drejtori ka arritur me një menaxhim të mirë të kursej 13 mijë litra derivate. Gjatë këtij takimi Halimi ka folur edhe për zhvillimet e gjithëmbarshme, projektet në interes të qytetarëve , por edhe për efikasitetin e shërbimeve komunale./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).