Vitiasi arrestohet për dhunë familjare

Gjilan – Policia e Kosovës stacioni policor në Viti është njoftuar nga viktima shqiptare përmes telefonit se është rrahur dhe se ka përjetuar dhunë ajo dhe fëmijët e saj tri vajza dhe djali nga bashkëshorti i saj – i dyshuari shqiptar. Viktima deklaron se bashkëshorti i saj gjatë gjithë kohës është nën ndikimin e alkoolit dhe më pas krijon probleme në shtëpi duke i kanosur dhe maltretuar.

Njësitet policore nga stacioni i Vitisë kanë dalë në vendin e ngjarjes dhe gjatë kontrollit në shtëpinë e të dyshimtit kanë gjetë dhe konfiskuar një revole Ekol Special 99, dhe një karikator i zbrazët si dëshmi materiale.

Viktima është dërguar në Shtëpinë e Shëndetit në Viti ku ju ka dhënë ndihma mjekësore. Në të gjitha fazat e veprimeve është konsultuar Prokurori i Shteti, i cili ka lëshuar vendim mbi ndalimin e të dyshuarit për 48 orë për dy vepra penale: “Kanosje”dhe “Mbajtja në pronësi, kontroll ose posedim të paautorizuar të armëve”. Rasti në prokurori njoftoj Ismet Hashani./rajonipress/