Vitia zbaton standardet e vlerësimit të tatimit në pronë

Gjilan- Drejtori i Drejtorisë për Financa dhe Zhvillim Ekonomik Islam Jashari duke raportuar rreth inspektimit për tatimin në pronë tha se Inspektimi i kryer është bërë në bazë të ligjit dhe qëllimi ka qenë që të garantojë se janë duke u zbatuar standardet e parapara të vlerësimit, të dhënat tatimore mbi pronën , si dhe mirëmbahen në mënyrën e duhur.

Në mbledhjen e së mërkurës të Komitetit për Politikë e Financa u shqyrtua raporti i inspektimit për tatimin në pronë në komunën e Vitisë për vitin 2012, raporti i auditimit mbi pasqyrat financiare të komunës për vitin 2012, si dhe propozim vendimi për shpalljen e shqyrtimit publik të planit rregullues urban për zonën “veriore” të qytetit të Vitisë.

Drejtori i Drejtorisë për Financa dhe Zhvillim Ekonomik Islam Jashari duke raportuar rreth inspektimit për tatimin në pronë tha se Inspektimi i kryer është bërë në bazë të ligjit dhe qëllimi ka qenë që të garantojë se janë duke u zbatuar standardet e parapara të vlerësimit, të dhënat tatimore mbi pronën , si dhe mirëmbahen në mënyrën e duhur.

Anëtarët e KPF-së kanë vlerësuar këtë inspektim dhe që do të ndikoj në efikasitetin e punës së tatimit në pronë. Po ashtu edhe në pikën tjetër të raportit të auditimit, u dhanë rekomandime nga anëtarët e KPF-së të cilët njëherit edhe vlerësuan se është raport gjithëpërfshirës.

Për mbledhjen e ardhshme të Kuvendit Komunal u procedua edhe propozim vendimi për shpalljen e shqyrtimit publik të planit rregullues urban për zonën veriore të Vitisë, e cila pikë u miratua nga anëtarët e Kuvendit./rajonipress/