Vitia: Varianti britanik i virusit shumë më i rrezikshëm dhe prek moshat e reja të cilat do të vaksinohen në fazën e tretë

Ministri i Shëndetësisë, Arben Vitia ka thënë sot se situata në Kosovë është e rëndë si pasojë e pandemisë COVID-19.

Vitia, në një konferencë për media, ka bërë të ditur se situata është rënduar edhe për shkak të variantit të ri të COVID-19, i cili prek moshat e reja dhe është më i rrezikshëm,

“Situata është e rëndë, sidomos në institucionet shëndetësore. Varianti i ri britanik është shumëfish më i rrezikshëm dhe i prek moshat e reja të cilët do të vaksinohen në fazën e tretë të planit të hartuar më herët”, ka thënë Vitia në një konferencë për media, raporton Zeri.info

Ministri tha gjithashtu se masat kufizuese janë dëshmuar më të efektshme për të kontrolluar pandeminë, ndërsa shtoi se po punojnë për të siguruar vaksina të tjera sa më shpejt.

“Qeveria po punon që të sigurojë sa më shumë vaksina dhe sa më shpejt. Në këtë proces nuk është vetëm Ministria e Shëndetësisë, është kabineti i kryeministrit Kurti dhe vet presidentja Osmani”, ka thënë ai.

Ai shtoi se është i vetishëm për humbjet në ekonomi si pasojë e masave kufizuese, ndërsa tha se Ministria e Financave ka për përgatitur edhe masat që synojnë ruajtjen e shëndetit ekonomik. /Zëri

Shpërndaje.
© RAJONIPRESS