Vitia shënoi Ditën Botërore të Mjedisit

Viti – Me një aktivitet të përbashkët të shumë mekanizmave që veprojnë në komunën e Vitisë, është shënuar sot 5 Qershori-Dita Botërore e Mjedisit.

Përpos Institucioneve komunale, pjesë e këtij aktiviteti ishin edhe përfaqësues të KFOR-it amerikan, FSK-së, Policisë së Kosovës, Organizata “Ta pastrojmë Kosovën”, Institucionet shëndetësore e shkollore, Ndërmarrjet Publike “Eco Higjiena” dhe “Hidromorava”, Këshillat e fshatrave, Organizatat dhe shoqatat joqeveritare dhe ato të grave, Këshilli i Veprimit Rinor Lokal dhe qytetarë.

Ky aktivitet u karakterizua me mbjelljen e luleve dhe fidaneve, në qytetin e Vitisë, pastrimi i parkut të qytetit, ngjyrosja e amfiteatrit të hapur tek parku dhe shkrimi i mesazheve vetëdijësuese, si dhe pastrimi i Lumit “Morava e Binçës” dhe hapësirat rreth lumit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).