Vitia sërish merret me emërtimin e rrugëve dhe shesheve

Viti – Në mbledhjen e bordit të drejtorëve të Vitisë është aprovuar propozim vendimi për formimin e komisionit për emërtimin e rrugëve dhe shesheve në Komunën e Vitisë dhe janë shqyrtuar edhe plani i punës së Zyrës së Auditorit të brendshëm si dhe të zyrës së prokurimit publik.

Në mbledhjen e katërt të këshillit të drejtorëve që është mbajtur sot dhe që është kryesuar nga zv. Kryetari i Komunës së Vitisë, Hasan Aliu janë shqyrtuar propozim vendimi për formimin e komuniteteve konsultative, propozim vendimi për formimin e komiteteve jo obligative, propozim vendimi për shpalljen me zonë me interes të përgjithshëm në ngastrën kadastrale( zona kadastrave Viti), propozim vendimi për shpalljen e zonës me interes të përgjithshëm në ngastrën kadastrale në fshatin Ramjan dhe propozim vendimi për formimin e komisionit për emërtimin e rrugëve dhe shesheve në Komunën e Vitisë.

Gjithashtu gjatë kësaj mbledhje janë shqyrtuar edhe plani i punës së Zyrës së Auditorit të brendshëm si dhe të zyrës së prokurimit publik./rajonipress/