Vitia se shpejti mund të bëhet me Shtëpi për Integrim në Bashkësi për trajtim të personave me sëmundje mendore

Viti – Kryetari i Komunës së Vitisë, Sokol Haliti ka pritur sot në takim Drejtorin e Qendrës Regjionale të Shëndetit Mendor në Gjilan, Afrim Cana. Gjatë këtij takimi ata kanë bashkëbiseduar për funksionalizimin e një Shtëpie për Integrim në Bashkësi, ku do të vendosen kryesisht personat me çrregullime mendore.

Haliti po ashtu ka falënderuar përfaqësuesit e kësaj qendre për punën që kanë bërë me qytetarët, të cilët kanë marrë dhe po marrin shërbimet e nevojshme në këtë qendër. “Dua të ju falënderoj për punën që keni bërë dhe që po e bëni për të gjithë qytetarët vitias të cilët marrin shërbime në qendrën tuaj. E dijë se kjo nuk është një punë e lehtë të cilët e bënë stafi juaj, por me përkushtimin tuaj, ju po i ofroni atyre një trajtim të duhur. Besoj se së shpejti qytetarët vitias me sëmundje mendore nuk do të kenë më nevojë të trajtohen më në komunat fqinje por në komunën e tyre”, u shpreh kryetari Haliti.

Kurse z. Cana tha se ata mbesin të përkushtuar në ofrimin e shërbimeve sa më të mira për të gjithë qytetarët të cilët marrin shërbime pranë kësaj qendre dhe Shtëpive për Integrim në Bashkësi./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).