Vitia rrënon me dhjetëra objekte ilegale për t’i lëshuar vend objektit të Zjarrfikësve dhe Shpëtimit

Viti – Komuna e Vitisë, konkretisht Drejtoria e Inspekcionit ka rrënuar sot dhjetëra objekte në qytetin e Vitisë, të cilët gjendeshin në pronën komunale, ku po vazhdojnë punimet në ndërtimin e objekti të ri të Zjarrfikësve dhe Shpëtimit.

Skënder Ahmeti, Drejtor i Inspekcionit në Viti, bëri me dije se pse kjo komunë ka vendosur të rrënoj këto objekte. “Rrënimi i këtyre objekteve është bërë me qëllim të lirimit të hapësirës për objektin e Zjarrfikësve që po ndërtohet këtu në Viti. Me këtë do të lehtësohet hyrja dhe dalja e të automjeteve të Zjarrfikësve me qëllim që ata të kryejnë punën e tyre pa penguar në interes të gjithë qytetarëve tanë”, u shpreh Ahmeti.

Ai tha se kjo drejtori paraprakisht i ka njoftuar të gjithë ata të cilët kanë shfrytëzuar këto objekti që të lirojnë hapësirën komunale.

Drejtori Ahmeti tha se kjo qeverisje ka bërë lirimin e shumë pjesëve të hapësirave publike duke potencuar se ata do të vazhdojnë me lirimin e hapësirave publike me qëllim që ato të shfrytëzohen nga gjithë qytetarët dhe jo vetëm nga individët./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).