Viti – Fishekzjarrët janë të rrezikshme, dhe shkaktojnë viktima të shumta për çdo vit. EVSB, Policia e Kosovës, dhe Komuna e Vitisë, për çdo fundvit bëjnë fushatë të përbashkët vetëdijesuese kundër përdorimit të fishekzjarrëve. Në çdo fund-vit, dhjetëra qytetarë, përfundojnë në Qendra Emergjente, shkaku i lëndimeve të marra nga përdorimi i mjeteve piroteknike.
Mjetet piroteknike janë të sanksionuara me ligj, dhe ato nuk duhet lejuar që t`i përdorin fëmijët e moshës jo madhore, dhe me këtë ua tërhjekim vërejtjen edhe shitësve që: Fishek zjarret mos tua shesin fëmijëve, pa prezencën e prindit.
Në çdo fund-vit, dhjetëra qytetarë, përfundojnë në Qendra Emergjente, shkaku i lëndimeve të marra nga përdorimi i mjeteve piroteknike.
Viktima të lëndimeve janë fëmijët, respektivisht moshat nga 7 – 18, vjeçare.
Përpos implikimit ndaj rendit dhe sigurisë publike, nga fishekzjarrët shkaktohet dhe rrezikimi i sigurisë personale të individëve.
Në raste të lehta, mundë të shkaktohet dëmtimi i shëndetit fizik dhe psikologjik të individëve, kurse në raste më të rënda, mund të shkaktohet dhe vdekja e tyre. Disa prej problemeve që shkaktohen nga përdorimi i mjeteve piroteknike janë:Lëndimet e natyrave të ndryshme, gjymtimi trupor, problemet kardiovaskulare, dëmtimi i dëgjimit, humbja e shikimit, shkaktimi i frikës etj.
Posterët janë shpërndarë nëpër të gjitha shkollat fillore dhe ato të mesme në Komunën e Vitisë, me qëllimin e vetëm që nxënësit të vetëdijesohen dhe të njihen drejtpërdrejt me problemet apo pasojat që shkaktohen nga përdorimi i fishekzjarrëve.
Shpërndarjen e Postereve e bënë:EVSB, dhe PK, Stacioni Policorë në Viti.
EVSB, falënderon PK-në, dhe institucionet Komunale, për bashkëpunimin dhe realizimin e këtij projekti të përbashkët thuhet në njoftimin e koordinatorit të EVSB-së për Komunën e Vitisë Imri Emërllahu./rajonipress/
