Ministri i Shëndetësisë, Arben Vitia përmes një deklarimi për media ka thënë se një valë e re e Covid-19 mund të jetë e pashmangshme për vendin.
Vitia u shpreh se varianti Delta po dominon tashmë në shumë shtete dhe se ky variant mund të dominojë edhe në Kosovë, shkruan Indeksonline.
“Është një variant jashtëzakonisht i rrezikshëm. Varianti Delta po dominon në disa pjesë të mëdha të Evropës Perëndimore. Me paraqitjen e dy rasteve te ne, ne kemi frikën që shumë shpejtë do të dominojë edhe te ne.
Përhapja është aq e frikshme, por të gjitha masat e përdorura deri tani kanë treguar se përkundër që mund ta ngadalësojnë përhapjen mund ta ndalin atë. Një valë e re në gusht, shtator, tetor, në çfarëdo varianti dhe çfarëdo masa mund të ngadalësohet”.
“Lajmi i mirë është nga shtetet që kanë kryer me sukses vaksinimin dhe tregon se të gjithë ata që janë vaksinuar janë të mbrojtur nga varianti Delta. Vaksinohuni kundër COVID-19. Kosova është vendi i vetëm në rajon që ka vaksina të aprovuara nga EMA, vaksinat janë të sigurta. Ta shfrytëzojmë rastin që vjeshta të na gjejë më të qetë”.
