Vitia e përkushtuar në përmbushjen e marrëveshjeve të stabilizim asocimit

Viti – Ky plan është dritare që na informon lidhur me punën dhe aktivitetet tona në instancat e ndryshme lidhur me obligimet që na dalin nga ligjet e Republikës së Kosovës dhe nga Plani i Veprimit Komunal PVNMSA 2014 ka thënë Sokol Haliti.

Në mbledhjen e sotme të Këshillit të Drejtorëve është diskutuar rreth Planit të Veprimit Komunal për PVNMSA-në 2014 ( Plani i Veprimit-Negocimit të Marrëveshjes së Stabilizim Asocimit), plan ky i përshtatur nga Zyra Komunale për Integrime Evropiane për Drejtoritë Komunale dhe Zyrat e Kryetarit.

Kryetari i Komunës së Vitisë, Sokol Haliti falënderoj përgjegjësin për Integrime Evropiane Përparim Sadikun dhe në veçanti Flamur Zeqirin këshilltar-ekspert në kuadër të projektit për aftësimin e kuadrove (CDF), që operon si bashkëprojekt në mes të UNDP-së dhe KFOS-it për hartimin e këtij plani, duke e cilësuar si shumë të nevojshëm në përmbushjen e detyrimeve që dalin nga Marrëveshja e Stabilizim Asocimit. “Ky plan është dritare që na informon lidhur me punën dhe aktivitetet tona në instancat e ndryshme lidhur me obligimet që na dalin nga ligjet e Republikës së Kosovës dhe nga Plani i Veprimit Komunal PVNMSA 2014”, theksoi Haliti.

Ndërkaq përgjegjësi i Zyrës Komunale për Integrime Evropiane, Përparim Sadiku tha se kjo zyre është e obliguar të monitoroj përfomancën e organeve komunale dhe të raportoj çdo tre muaj në qendër ( MAPL), duke i bërë matjet e nevojshme mbi zhvillimin e punëve në harmoni me dokumentet që dalin nga BE-ja dhe nga niveli qendror.

Flamur Zeqiri, këshilltar nga CDF (UNDP-KFOS), duke folur rreth përmbajtjes së këtij dokumenti tha se këtu përfshihen të gjitha drejtoritë komunale, zyrat e kryetarit si dhe organet e Kuvendit. “Me këtë dokument ju do të merrni përgjegjësi të cilat janë me interes të përgjithshëm, ku do të përfshihen drejtoritë komunale, zyrat e kryetarit si dhe organet e Kuvendit. Këto përgjegjësi do të jenë në aspektin e procesit të integrimit evropian “, tha Zeqiri.

Ndërkaq pas prezantimit të këtij plani drejtorët e drejtorive si dhe zyrat e kryetarit diskutuan rreth përmbajtjes së këtij plani dhe murrën zotimin për përmbushjen e këtij dokumenti strategjik./rajonipress/