Fidanishtja

Vitia e para sipas indeksit rajonal të hapjes së të dhënave

/ 2 minuta lexim

Viti – Komuna e Vitisë është renditur ndër komunat më të suksesshme, sa i përket transparencës, në bazë të Indeksit rajonal të të dhënave, në kuadër të projektit «Action SEE» të Open Data Kosova.

Komunat e Kosovës të cilat kanë qenë subjekt i këtij vlerësimi janë Dragashi, Ferizaj, Gjilani, Drenasi, Gracanica, Juniku, Klina, Kllokoti, Leposaviqi, Prishtina, Ranillugu, Skënderaj, Suhareka, Vitia dhe Zveçani. Në mesin e këtyre komunave, më transparentja ka rezultuar të jetë Vitia me 55 për qind duke e lënë pas Prishtinën me 45 %.

Hapja institucionale konsiderohet se paraqet zhvillim thelbësor në drejtim të qeverisjes së mirë. Gjithashtu është një karakteristikë e rëndësishme e çdo shoqërie demokratike.

Hidromorava

Në kuadër të projektit Action SEE, Open Data Kosova në bashkëpunim me gjashtë organizata partnere ka analizuar shkallën e hapjes së institucioneve publike në gjashtë vendet e rajonit: Kosovë, Mali i Zi, Serbi, Bosnje e Hercegovinë, Maqedoni dhe Shqipëri.

Indeksi rajonal i hapjes së të dhënave, bënë matjen se deri në çfarë niveli, institucionet e vendeve të Ballkanit perëndimor janë të hapura për qytetarët dhe shoqërinë, bazuar në katër parimet, transparenca, qasja, integriteti dhe ndërgjegjësimi (institucional)./rajonipress/