Vitia e menaxhoi tërë kohën mirë pandeminë, por ende mbetet në Karantinë

Viti – Kryetari i Komunës së Vitisë, Sokol Haliti ka kërkuar nga Ministria e Shëndetësisë që komuna e Vitisë të hiqet nga karantina, meqë sipas tij situata me pandeminë koronavirus është duke u menaxhuar mirë dhe ka rënie të theksuar të rasteve të reja me CoVid-19.

Kryetari i Komunës së Vitisë, Sokol Haliti, shprehet i kënaqur që Vitia edhe sonte ka marrë lajme të mira. Ai njofton se në bazë të rezultateve të fundit nga Instituti Kombëtar i Shëndetit Publik, nga 14 mostrat e testuara të gjitha janë negative, kurse një person i infektuar me COVID -19 është shëruar plotësisht. Me këtë numri i të shëruarve shkon në 20.

Haliti vlerëson lart disiplinën e qytetarëve për zbatim të rekomandimeve, të cilat po sjellin rezultate. Gjithashtu, ai iu uron shëndet të shëruarit, të fundit.

I pari i komunës, u ka dëshiruar shëndet dhe tejkalim sa më të shpejtë të gjendjes edhe të infektuarve tjerë, duke uruar që së shpejti t’i kthehemi normalitetit të gjithë.

Ndryshe, Vitia ka qenë komuna e parë që është vendosur në karantinë, që nga data 13 mars e këtij viti./rajonipress/