Vitia deklaron se Agon Musliu nuk ka pasur asnjë dokument shëndetësor në hyrje të Aeroportit “Adem Jashari”

Sot ish-ministri Arben Vitia dëshmoi në Komisionin hetimor për menaxhimin e pandemisë së COVID-19.

Ai shprehu keqardhje për vdekjen e Agon Musliut, i cili dyshohet për vetëvrasje gjatë qëndrimit të tij në karantinë në Qendrën e Studentëve ndërsa shtoi se ky i fundit nuk kishte asnjë dokument shëndetësor me vete në hyrje të Aeroportit “Adem Jashari”, raporton Zeri.info.

“Ndihme keq për vdekjen e Agonit, natyrisht që s’ka qenë e lehtë për mua si ministër, e sidomos për mua si ministër vdekja e Agonit. I shpreh ngushëllimet më të sinqerta familjareve të Agonit dhe ndoshta është lehtë të thuhet, por jo në rastin tim, që në këtë rast ka ndodhur një tragjedi në aspektin njerëzor, moral e etik dhe kam përjetuar jashtëzakonisht rëndë. Me përgjegjësi të plotë e them se Agoni nuk ka pasur asnjë dokument shëndetësor me vete në hyrje Aeroportit “Adem Jashari” dhe akterët nga rruga e aeroportit deri te karantina e kanë konfirmuar një gjë të tillë”, deklaroi Vitia. /Zëri