Viti i vakuumit

Vitin 2014, Kosova e filloi me një qeveri të dobët, për t’u ballafaquar më pas me një vakuum prej gjashtë muajve pa institucione deri të përmbyllja e vitit me qeveri koalicioni prej dy partive më të mëdha. Ishte një vit i premtimeve por edhe dështimeve.

Që nga fillimi, qeveria e atëhershme e koalicionit të ndërtuar nga Partia Demokratike e Kosovës dhe Aleanca Kosova e Re kishin humbur përkrahjen e shumicës në Kuvend dhe ishte çështje ditësh kur ajo të detyrohej të largohej.

Qysh në fillim të 2014, qeveria dhe kuvendi i shpartalluar më vonë, dështuan fillimisht ta privatizojnë Postën dhe Telekomin e Kosovës për shkak të mungesës së përkrahjes në Kuvend.

Po ashtu, institucionet e para zgjedhjeve të qershorit, dështuan të përmbushin premtimin për themelimin e Forcave të Armatosura të Kosovës. Përderisa vendi u sfidua shumë seriozisht nga rritja e ekstremizmit fetar dhe rritja e ndikimit të Serbisë në Kosovë përmes subjektit me emrin Lista Serbe.

Një dështim tjetër ishte edhe pamundësia e institucioneve paraprake që të përmbyllin mandatin kushtetues, për çka u detyruan të shkojnë në zgjedhje të parakohshme. Krahas dështimeve të politikës, viti 2014 shënoi një nga vitet më të suksesshme të sportit të Kosovës.

Majlinda Kelmendi edhe zyrtarisht është kampione e botës, Kosovës iu lejuan më në fund ndeshjen miqësore ndërkombëtare në futboll si dhe Komiteti Olimpik i hapi dyert për Kosovën me çka tashmë disa sportistë kosovar vetëm mund t’i paramendojmë në Olimpiadën e Rio-s më 2016./Tribuna/.