Viti 2022 i humbur, qytetarët dyshojnë që edhe viti 2023 do të jetë i vdekur

Gjilan – Gjilani gjatë vitit 2022 nuk ka me çka të krenohet me përjashtim të dembelisë institucionale. Qytetarët madje dyshojnë që edhe viti 2023 do të jetë i vdekur dhe nuk presin zhvillim e investime.

Viti 2022 është viti më i mbrapshtë për qytetin e Gjilanit, viti ku pothuajse është bërë fare pak. Asamblea ishte në gjumë dhe e paralizuar, qeverisja komunale e humbur dhe pa program e qeverisje të mirëfilltë, ndërtimet u stopuan dhe u paralizua një qytet i tërë për shkak të dembelisë dhe afinitetit të organeve komunale.

Lulzimi një qytetar nga Gjilani thotë se edhe viti 2023 do të jetë i njëjtë. “Kur po e shoh komunën e Vitisë qysh ditën e dytë e ka mbajtur Bordin e Drejtorëve dhe duke ju dhanë udhëzime që me punue edhe më shumë, këtu tek ne të gjithë po pushojnë, po flenë. Dembel – llak më të madh kurrë s`ka pasur” tha ky qytetar.

Muhamedaliu nga Cërrnica mendon se qeverisja që udhëhiqet nga LVV e keqpërdori votën e qytetarëve.”Edhe unë e kam votuar fatkeqësisht, por kjo është një shenjë e mirë që tash jemi vetëdijësue. Gjilani ka gabuar rëndë, por shpresoj që shpejt shkojnë katër vite”.

Nazmiu qytetar nga Llashtica tha se si Gjilan jemi shumë mbrapa krahasuar me komunat e tjera të Anamoravës. “Edhe viti 2023 ka me qenë vit i dështimit sepse nuk kanë projekte dhe s`kanë kuadro me punue me qytetarët. Asgjë nuk pres as në vitin 2023 nga kjo qeverisje shterpë” mendon Nazmiu./rajonipress/

Shpërndaje.
© RAJONIPRESS