Vitaliteti në rrënjën e gjinsengut

Gjinsengu njihet si bimë interesante, e në organizëm ndikon që të ndiheni si një njëzetvjeçar.

Ka lloje të ndryshme të tij, por më shumë e hasim atë amerikan, që përdoret për ngritjen e energjisë dhe përqendrim më të mire, por është i dobishëm edhe për shumë probleme të tjera, si: ankthet, menopauza, depresioni, pagjumësia, ankthet e natës, tretja jo e mirë, PMS-ja, kolla…

Gjinsengu është shumë i shëndetshëm për përmirësimin e qarkullimit të gjakut, si dhe është i shkëlqyeshëm për ata persona, që kanë lëndime fizike, kështu që shpeshherë përshkruhet edhe nga ortopedët.

Kjo rrënjë fenomenale në mënyrë të pabesueshme përmirëson funksionet kognitive, transmeton gazeta Kosova Sot Online.

Mund ta hasni në formë të çajit, rrënjës apo edhe në suplemente në tableta dhe në kapsula. Shumë studime kanë vërtetuar se gjinsengu e ul nivelin e sheqerit në gjak te diabeti, tipi 2.

Kjo bimë do t’jua ndryshojë për të mirë jetën, jua përmirëson qarkullimin e gjakut, duke ua bërë më elastike enët e gjakut, shton energjinë, kthjellon mendjen dhe ekuilibron sheqernat në organizëm.