Violant Sylejmanit i mohohet fitorja ndaj boksierit nga Serbia

Gjilan – Boksierit Gjilanas në turneun e boksit më të madh Evropian “Gongu i Artë” i cili u mbajt në Qendrën Sportive “Boris Trajkovski”në Shkup i merret fitorja ndaj boksierit nga Serbia, Perar Toshiq.

Gjatë tri raundeve boksieri Sylejmani ishte plotësisht më i mirë se boksieri nga Serbia Toshiq por kështu nuk menduan arbitrat duke ja dhuruar fitoren Toshiqit me rezultat 2-1.

“Kam qenë dukshëm më i mirë gjatë tri raundeve të gjithë kanw pritur fitoren time edhe vet boksieri Toshiq është befasuar kur ju është ngritur dora në shenjë të fitores, me çdo kusht u pa haptas medaljen e arit ja dhuruan boksierit serb edhe vetë mediat e shkruara dhe elektronike në Maqedoni e kanë gjykuar këtë vendim të arbitrave por moralisht unë jam fitues ndoshta do të më jepet rasti në takimet tjera të takohem me Toshiqin e nuk do ta lë më të vendosin arbitrat por do ta vendosi unë vetë”, shprehet për ‘rajonipress’ i indinjuar boksieri Sylejmani.

Fitues i turneut “Gongu i Artë” të 46-të është boksieri nga Maqedonia Goce Janevski i cili në finale mposhti boksierin nga Kosova gjerë në 74 kg Armend Neziraj.

Siç bëhet e ditur në këtë edicion të madh të boksit i cili u mbajt për herë të 46-të morën pjesë 50-të boksier nga 12 shtete të rajonit e më gjerë shtete pjesëmarrëse ishin ;Shqipëria, Kosova, Britania e Madhe, Bosnjë Hercegovina, Belgjika, Sllovenia, Serbia, Rumania, Mali i Zi, Holanda, Kroacia e Maqedonia.

Ky turnir i boksit është në kalendarin e garave zyrtare Evropiane EUBC dhe Botërore në AIBA./sylejman ismajli/rajonipress/