Viktor Kuka: Po rikthehem në shtëpinë time tek Drita

Mbrojtësi i djathtë i Dritës, Viktor Kuka, i cili ishte i huazuar tek skuadra e Ferizajit në stinorin pranveror, me lojërat e tij tejet të mira ka dhënë kontribut tejet të madh tek skuadra e Ferizajit që edhe në këtë stinor të jetë pjesë e Superligës së Kosovës.

Krerët e “bardh e kaltërve” të Dritës kanë rikthyer Viktor Kukën në radhët e veta pas 6 muajsh, i cili tani ju ka bashkuar ekspeditës së Dritës në përgatitjet e saja tani e tri ditë.

Për mbrojtësin e djathtë të Dritës, rikthimi i tij në “folen e vjetër”, është një ndjenjë e veçantë.
“Rikthimi im në shtëpinë e vjetër tek Drita është një ndjenjë mjaft e mirë, me një fjalë po rikthehem në shtëpinë time tek shumë bashkëlojtar dhe te një staf i mrekullueshëm të cilin e kam gjetur edhe më të fort dhe një trajner mjaft cilësor siç është Ardian Nuhiu”.

Kuka ka theksuar edhe për synimet e klubit në edicionin e ri.
“Ashtu siç dihet synimet e klubit janë pozitat e larta në tabelë, mendoj se kemi një skuadër mjaft të fortë me individ shumë të mirë dhe do të japim gjithçka nga vetja për të mirën e klubit dhe tifozëve “Intelektualëve” ju premtoj që së bashku me bashkëlojtarët e mijë do t`i gëzojmë në sfidat e reja të cilat na presin në Superligën e Kosovës”./rajonipress/