Vidhet një armë me leje nga një shtëpi, policia nis hetimet

Viti – Një rast i vjedhjes së rëndë është raportuar në periudhën 7-9 maj 2026, ku persona të panjohur kanë depërtuar në një shtëpi dhe kanë vjedhur një armë zjarri.

Sipas ankuesit mashkull kosovar, i cili rastin e raportoi më 9 maj 2026, hajnat kanë hyrë në objekt përmes derës së hyrjes, e cila nuk kishte qenë e mbyllur me çelës. Më pas, nga një dhomë e shtëpisë, ata kanë arritur të marrin një armë pistoletë që pronari e posedonte me leje valide.

Burimet bëjnë të ditur se arma kishte qenë e vendosur në kasafortë, ndërsa rrethanat se si është hapur ajo po hetohen nga organet kompetente.

Lidhur me rastin është njoftuar prokurori, ndërsa hetimet për identifikimin e të dyshuarve janë në zhvillim./rajonipress/