Veturat e jashtëligjshme të PTK-së

Tenderi i fundit i Postë-Telekomit të Kosovës (PTK) që peshonte hiq më pak se 287 mijë euro, ka rezultuar të mos ketë qenë në harmoni me ligjet e aplikueshme në vend.

Agjencia Kundër Korrupsionit (AKK), ka vlerësuar se në mënyrë të jashtëligjshme është shpërblyer me këtë tender kompania “Allmakes Global Services-AGS”, pasi që në këtë tender ishte e vetmja e përgjegjshme.

PTK-ja më datë 26.09.2013 ka shpërblyer me kontratë Operatorin Ekonomik “AGS” për dy lotet. Loto1 me çmim: 119.600.00 euro dhe Loto2 me çmim: 167.400.00 euro. “Në njoftimin për Dhënie të kontratës” të datës: 26.09.2013, pika IV.4 dhe IV.5 informacioni mbi vlerën e Kontratës, çmimi më i ulët dhe çmimi më i lartë paraqiten shifra të njëjta: Për Loto1 çmimi më i ulët dhe më i lartë është paraqitur 119.600.00 euro, ndërsa për Loto 2 çmimi më i ulët dhe më i lartë paraqitet 167.400.00 euro”, thuhet në opinion e AKK-së.

Sipas kësaj të fundit, procedimi i këtij tenderi ka rënë ndesh me ligjet e aplikueshme në vend… (Tribuna).