Vetura godet këmbësorin, viktima ndërron jetë

Gjilan – Ju njoftojmë se me datën 07.06.2022 rreth orës 11:22, në Gjilan afër Spitalit rajonal, Policia e Kosovës në Gjilan e ka pranuar informatën për një rast aksident Trafiku me lëndime, të rënda.

Dyshohet se një veturë në lëvizje ka goditur një këmbësor duke i shkaktuar lëndime të rënda. Njësitë policore kanë dal në vend të ngjarjes së bashku me ndihmën e shpejtë. Viktima është dërguar urgjent në Qendrën Emergjente në Gjilan, ku edhe përkundër ofrimit të ndihmës mjeku ka konstatuar se viktima shqiptar shtetas i Kosovës (1946) ka nderruar jetë si pasojë e lëndimeve të pësuara në aksident.

Për rastin është njoftuar prokurori i shtetit. Hetuesit e policisë së Kosovës njësiti i trafikut rrugor janë duke i hetuar shkaqet dhe rrethanat se si ka ndodhë aksidenti njoftoi Ismet Hashani./rajonipress/