Vetitë shëruese të gështenjave

Gështenjat jo vetëm se janë të shijshme, por janë të mbushura me veti të dobishme për shëndetin.

JANË PËRPLOT ME ANTIOKSIDUES

Gështenjat janë të pasura me vitamina C. Në fakt, janë të vetmet që vijnë nga frutat me lëvozhgë të fortë që përmbajnë këtë vitaminë. Dhëmbë të fortë, eshtra dhe mure elastike të enëve të gjakut janë vetëm disa nga vetitë që vitamina C i ofron trupit. Janë të pasura edhe me mangan, që ndikon në shërim më të shpejtë dhe mbrojtje nga dëmtimet e radikalëve të lirë, duke reduktuar rrezikun për disa lloje të kancerit dhe sëmundjet e zemrës.

STABILIZOJNË NIVELIN E ENERGJISË

Sikurse edhe shumë lloje të tjera të frutave me lëvozhgë të fortë, gështenjat janë të pasura me karbohidrate. Duhet ta dini se karbohidratet në gështenja janë komplekse, kështu që treten më ngadalë në krahasim me karbohidratet e zakonshme. Kjo do të thotë se niveli i energjisë mbetet stabil.

ULIN KOLESETROLIN

Gështenjat përmbajnë rreth 21 për qind të dozës ditore për fibra dietale, që ndikon në uljen e nivelit të kolesterolit. Janë të pasura edhe me aminoacidet mono të ngopura, që sipas studimeve është dëshmuar se shton nivelin e kolesterolit të mirë, duke ulur njëkohësisht kolesterolin e keq.

(Kosova Sot)