Vetitë kuruese të vajit të ullirit

Vaji i ullirit gjithmonë ka qenë një mirësi e çmuar. Gjurmë mullinjsh vaji që i përkasin 7000 viteve më parë janë gjetur në rrënojat e Urit, qytet i Abrahamit.

Përdorimi i tyre nuk ishte thjesht ushqimor, patrikët romanë përdornin vajin e yndyrshëm të Numidas për të ndriçuar banesat e tyre.

Aktualisht vaji konsiderohet si arma më e mirë, së bashku me peshkun e detit për mbrojtjen e aparatit kardiovaskular. Një vaj ulliri i mirë, i pasur me polifenolë shërben për të luftuar radikalet e lira dhe tumoret.

Por cili është vaji ideal? Prodhimi i një vaji cilësor kërkon sakrifica të mëdha dhe kosto tepër të lartë.

Një fetë buke me domate dhe vaj ulliri ndihmon në parandalimin dhe trajtimin e shumë sëmundjeve. Vaji i ullirit, në fakt, ul kolesterolin, hollon gjakun, mbron arteriet dhe venat, si dhe parandalon lloje të ndryshme tumoresh. Përdoreni pra, gjithnjë të freskët, por edhe nëse ju duhet të gatuani diçka, zgjidhni vajin e ullirit, i cili denaturohet më pak nën veprimin e nxehtësisë./Ciro Vestita/gazeta shendeti/