Vetëvendosje: Shqetësimet tona për shkëmbim territoresh u vërtetuan

Lëvizja Vetëvendosje, ka thënë se dyshimet e tyre që i kishin ngritur për një marrëveshje që do të përfshinte shkëmbimin e territoreve, u vertetuan nga zyrtarë në SHBA.

Vetëvendosje përmes një video të publikuar ka përmbledhur deklaratat në lidhje me shkëmbim të territoreve, ku sipas tyre, ata që i kanë akuzuar për paranojë i kanë shërbyer kësaj marrëveshje.

“Shqetësimi që ka ngritur Lëvizja VETËVENDOSJE! për marrëveshjen e fshehtë mes Thaçit dhe Vuçiqit, u vërtetua këto ditë edhe nga deklaratat e zyrtarëve në ShBA. Partitë e PLAN-it na akuzonin për paranojë, por vetë nuk është se thjeshtë janë naiv por qëndrojnë pas këtij presidenti të cilin e votuan dhe të cilit i shërbejnë”, thuhet në reagimin e Lëvizjës Vetëvendosje./Zëri/