Vetëvendosje: Ambasadori amerikan nuk ka dijeni për zhvillimet politike

Aida Dërguti, nënkryetare e Lëvizjes Vetëvendosje ka thënë se zanafilla e ngjarjeve të dhunshme të djeshme kanë nisur me deklaratat e Thaçit pas protestës.

“Kjo Qeveri po vazhdon të këmbëngul që të vazhdohet me seanca deri në zgjedhjen e Thaçit president. Sesioni pranveror filloi përsëri më avazin e vjetër. Suspendim të deputetëve tërheqje zvarrë të deputetëve. Ky Kuvend nuk është demokratik dhe ky Kuvend nuk ka më legjitimitet. Kemi një situatë të neveritshme politike, por deputetët e opozitës janë të vendosur ta ndryshojnë këtë gjë”, ka thënë ajo, duke shtuar se nuk kanë parë asnjë vendim me të cilin janë suspenduar.

Ajo ka komentuar edhe deklaratat e ambasadorin amerikan, Greg Delaëie.

“Mendoj që vlerësimi i tij është në rrafshin estetik se sa në përmbajtje. Ai nuk ka komunikim më opozitën për të ditur qëndrimin tonë. Ai është për një kohë të shkurtër dhe mund të mos jetë në dijeni”, ka thënë ajo. Kur është pyetur rreth një peticioni online kundër ambasadorit amerikan, Dërguti ka thënë se nuk është në dijeni nëse peticioni është organizuar nga Vetëvendosje./indeksonline/