Veterani i gazetarisë Esad Dujaka u prit në Ambasadën e ShBA në Prishtinë

Veteranin e gazetarisë kosovare Esad Dujaka i cili po shënon 50 vjetorin e punës së pandërprerë profesionale në gazetari e ka pritur zyrtari për çështje publike dhe media në Ambasadën e SHBA në Prishtinë.

Zëdhënësi i Ambasadës, z.Richard Mei i ka uruar Dujakës shëndet dhe e ka inkurajuar atë që të mos ndahet nga profesioni deri në fund.

Dujaka, i cili karrierën 50 vjeçare e kaloi në Zërin, Rilindje, TVP, Kosova Sot e deri në pension në RTV 21, ku ende u ndihmon gjeneratave të reja në Portalin RTV21. TV, foli me mysafirin e respektuar amerikan rreth sfidave nëpër të cilat ka kaluar ai dhe gjenerata e tij, por duke i theksuar edhe vështirësitë që po i hasin gjenerata e pasluftës që nga rreziku i politizimit, shantazhet e kërcënimet si dhe për nevojën që shteti t’i marr në mbrojtje kolegët gazetarë sepse kudo në botën e civilizuar gazetarët trajtohen si shtylla e katërt e shtetësisë së një vendi.

Dujaka tha se mysafirit amerikan i dorëzoi tri librat e t`ia që trajtojnë kujtimet e t`ia gjatë përvojës 50 vjeçare në këtë profesion duke falënderuar mysafirin e nderuar për të gjitha ato që kanë bërë SHBA për Kosovën për të qenë kjo që është sot.

Biseda u zhvillua edhe rreth sistemit të informimit në Kosovë me ç’rast u shtrua domosdoja që ato të luajnë rol pozitiv në ecjen e shoqërisë kosovare gjatë proceseve veriatlantike e të jenë sa më të pavarura, por edhe të mbrojtura nga sistemi i drejtësisë.

Zyrtari për çështje publike z.Richard Mei shprehu interesimin për kontributin që po japin mjetet e informimit ne Kosove në këto kohë kur vendi ka humbur shumë kohë në tranzicionin e vet për të zgjidh problemet kryesore që do ta afronin atë si shtetin më tē ri evropian nën çatinë e BE-së./rajonipress/