Veteranët e UÇK-së kërcënojnë me bllokim të zgjedhjeve
RajoniPress
09:04, 22 Shtator, 2013
Kryesia e Këshillit për Mbrojtjen e të Drejtave dhe Vlerave të Luftës së UÇK-së, ka paralajmëruar Qeverinë, qoftë edhe me bllokim të procesit zgjedhor, nëse nuk realizohen premtimet e dhëna dy vjet më parë, transmeton KTV.
Përfaqësues të Këshillit kanë paralajmëruar sërish daljen në rrugë, për mosrealizim të premtimit që ua dha Qeveria, e që rezultoi me ndërprerjen e grevës 61 ditëshe. Këshilli, ndonëse ka një muaj që kërkon të takohet me kryeministrin Thaçi, ende nuk ka marrë përgjigje nga ai.
Kryetari Xhevdet Qeriqi ka thënë se kërkesat e veteranëve, nuk është vështirë të realizohen.
Ai ka kritikuar edhe kryetarin e Komisionit për verifikimin e veteranëve të UÇK-së, Agim Çekun, për të cilin ka thënë se ka harruar veteranët, duke u marrë me fushatë elektorale.
