Veteranët e futbollit Gjilanas u bënë bashkë

Komuna e Gjilanit ka arritur të bën bashkë ish-futbollistët ndër vite, duke krijuar një ambient madhështor e nostalgjik, duke i nderuar ata më mirënjohje për kontributin e dhënë gjatë karrierës së tyre futbollistike.

Kryetari i Komunës së Gjilanit, Alban Hyseni, ka theksuar se është krenari e sakrificë e madhe e këtyre ish-futbollistëve që kanë mbajtur gjallë futbollin ndër vite, poashtu ka theksuar se “stadiumin e qytetit po mundohemi që sa më parë të bëjmë më të mirën për futbollistët”.

Ish-futbollisti, Jakup Berisha, i cili tani ka shkelur mbi 80 vite, ka bërë të ditur se është hera e parë që po mblidhemi së bashku dhe secili nga këta futbollist ka dhënë kontribut të jashtëzakonshëm gjatë karrierës së tyre.

Njëri ndër ikonat e futbollit gjilanas, Ekrem Beqiri-Rukovci, theksoi se të gjithë në mënyrën e tyre kanë kontribuar për sukseset e futbollit Gjilanas ndërsa vitet e 90-ta ishin më të vështira.

Në një atmosferë të ngrohtë në praninë e mbi 100 ish-futbollistëve u evokuan kujtimet për të cilat i kaluan në karrierën e tyre.