Vetëdija e publikut e rëndësishme për të fuqizuar etikën dhe llogaridhënien

Kamenicë – Qëllimi i kësaj tryeze është të rrisë vetëdijen e publikut, fuqizimin e etikës publike dhe llogaridhënies në nivel lokal si dhe të theksoj rolin dhe përgjegjësit e komunës që të jetë transparente, për informacione të qasshme për publikun, vendim-marrje komunale transparente dhe të përgjegjshme për trupat e legjislativit.

Në kuadër të projektit “Promovimi i Kodit te Etikës dhe përmirësimi i llogaridhënies dhe transparencës ne Kamenicë” të financuar nga Ambasada e Shteteve të Bashkuara të Amerikës në Prishtinë dhe të zbatuar nga OJQ Network of Peace Movement/Rrjeti i Lëvizjes Paqësore (NOPM) ka organizuar një punëtori mbi etiken dhe llogaridhënien për organet e legjislativit.

Në këtë punëtori kanë marrë pjese: anëtarët e kuvendit komunal, anëtarët e komiteteve konsultative, shefi i zyrës se informimit, përfaqësues të organizatave të shoqërisë civile, si dhe përfaqësues të mediave lokale.

Fjalën hyrëse të kësaj punëtorie e ka bërë projekt menaxherja Besime Tusha e cila në fillim ka shpjeguar në pika të shkurta ecurinë e projektit si dhe për rendësin, qëllimet e kësaj punëtorie që ka të bëjë kryesisht me prezantimin e draft kodit të etikës për të zgjedhurit e popullit si dhe me prezantim mbi etikën dhe transparencën në administratën komunale si dhe obligimet e legjislativit ndaj llogaridhënies.

Qëllimi i kësaj tryeze është të rrisë vetëdijen e publikut, fuqizimin e etikës publike dhe llogaridhënies në nivel lokal si dhe të theksoj rolin dhe përgjegjësit e komunës që të jetë transparente, për informacione të qasshme për publikun, vendim-marrje komunale transparente dhe të përgjegjshme për trupat e legjislativit.

Pas prezantimit shumica e pjesëmarrësve kane diskutuar lidhur me draft kodin e etikës që ka të bëjë me të zgjedhurit si dhe kanë shprehur mendimet sa i përket këtij drafti i cili i ka munguar kuvendit komunal dhe pas përfundimit të hartimit të draft kodit të etikës këshilltaret e kuvendit komunal kanë thëne se do të debatojnë edhe në kuvend po sa të futet në rend dite dhe do të votohet nga ana e tyre.

Në fund të punëtorisë është bërë identifikimi i sfidave si dhe janë nxjerrë rekomandimet që kanë të bëjnë me kodin e etikës dhe llogaridhënies tek legjislativi./rajonipress/