Veseli përfundimisht mbetët në Serie A

Mbrojtësi i kombëtares shqiptare, Frederik Veseli, duket se do të qëndrojë te Empoli në sezonin e ri.

Ai firmosi me skuadrën italiane vetëm disa ditë më parë, por ideja fillestare e klubit të Serisë A ishte që ta huazonte atë në Serinë B në mënyrë që të kishte më shumë hapësira dhe të fitonte më shumë eksperiencë.

Megjithatë, Veseli në seancat stërvitore të zhvilluara deri tani me Empolin po e bind stafin teknik se mund të jetë i rëndësishëm për skuadrën gjatë këtij sezoni në Serinë A.

Edhe pse u afrua me idenë e një mbrojtësi të djathtë, ai po bind në stërvitje në pozicionin e mbrojtësit të qendrës.

Veseli ishte pjesë e Shqipërisë në EURO 2016, dhe në të vetmin takim që u aktivizua, në minutat e fundit ndaj Francës, u aktivizua nga De Biasi si mbrojtës qendre.