Veseli: Me një sukses mund të ngritemi në vendin e dytë

Frederik Veseli është njëri nga 26 futbollistët e ftuar në Kombëtaren shqiptare për ndeshjen e së shtunës ndaj Izraelit.

Futbollisti kosovar beson se Kuqezinjtë mund ta mposhtin kundërshtarin e 12 nëntorit, për të kaluar në pozitën e dytë në tabelë.

“Shpresoj që tani ti kem bindur të dy trajnerët, si atë te Empoli, ashtu edhe De Biasin. E kam ndihmuar skuadrën time për aq sa kam qenë në fushë. Me Izraelin do të kërkojmë fitoren përballë një rivali direkt, që ka po aq pikë sa ne. Me një sukses mund të ngjitemi edhe në vendin e dytë, gjithmonë nëse Italia bën një hap fals”, ka thënë mbrojtësi i djathtë për mediat shqiptare.