Veseli: Me këto zgjedhje u konfirmua sovraniteti territorial i Kosovës

Kryetari i Partisë Demokratike të Kosovës, Kadri Veseli ka përgëzuar qytetarët e katër komunave veriore të Kosovës për procesin e qetë zgjedhor që zhvilluan sot.

Ai ka falënderuar ata për përkrahjen dhe besim e dhënë ndaj PDK-së, transmeton Telegrafi.

“Përgëzoj qytetarët e katër komunave veriore të Kosovës për procesin e qetë zgjedhor që zhvilluan sot dhe i falënderoj ata për përkrahjen bindëse dhe besimin e madh për partinë e tyre, për Partinë Demokratike të Kosovës, si parti fituese shqiptare.

Me këto zgjedhje u konfirmua sovraniteti institucional dhe territorial i Republikës së Kosovës. Do të punojmë bashkë, edhe më shumë, për ta përmirësuar jetën e secilit, në Mitrovicë, Leposaviq, Zveçan, Zubin Potok, e në tërë Kosovën. Ecim përpara me Dekadën e Re”, ka shkruar Veseli në Facebook. /Telegrafi/