Veseli: Kosova ka nevojë për dialog të brendshëm

Kryeparlamentari Kadri Veseli ka deklaruar se Kosova ka nevojë edhe për dialog me fqinjët, por edhe për dialog të brendshëm, ndërsa e vlerësoi lart MSA-në, por u shpreh mjaft kritik për vonesën e liberalizimit të vizave për Kosovën.

“Ukraina i ka mbi 50 kritere të cilat nuk ia ka plotësuar. Ose Turqia, ose Gjeorgjia. Po flasim për një moral politik, të cilin duhet ta bartim si standard të BE-së tek qytetarët tanë. Është vërtetë momenti vendimtar për t’iu jep shpresë njerëzve në këtë vend”, ka thënë Veseli.

Këto komente Vesli i bëri gjatë tryezës “Si ta shndërrojmë MSA-në në proces për reforma thelbësore në Republikën e Kosovës”, që u mbajt sot në Prishtinë.

Veseli tha se dialogu në Kosovë duhet të vazhdojë jo vetëm për MSA-në, por edhe për problemet tjera të brendshme, ndërsa i ftoi opozitarët që t’i kthehen punës në Kuvendin e Kosovës./zeri/