Veseli : Edhe nëse ndalet gjykata, arrestimet e luftëtarëve të UÇK-së nuk ndalen

Kryetari i Kuvendit, Kadri Veseli ka thënë se Gjykata Speciale është një e keqe që na ka ndodhur. “Gjykata Speciale është një e keqe që na ka ndodhë, po të kishim qenë të aftë kjo nuk kish ardhur hiq. Unë ju drejtohem luftëtarëve të UÇK-së, se krijimi i Dhomave të Specializuara për mos ta lënë Këshillin e Sigurimit ta themeloj këtë Gjykatë duhet ta krijojmë, ne nuk mund ta ndalim themelimin dhe nuk mund t’i ndalin arrestimet.

Me ditë që edhe i pari jam që do të gjykohem nga Gjykata Speciale, ne nuk mund ta ndalim as unë e as ju, dhe kjo është arsyeja që do ta votoj. Më mirë ta pësojmë ne si individë e jo Kosova e tërë. Nëse ndalet kjo Gjykatë, arrestimet nuk do të ndalen. Askujt nuk i frikësohemi në asnjë gjykim.

“Dita e sotshme është shumë e vështirë dhe të gjithë ne jemi të shqetësuar. Të gjithë jemi të shqetësuar për të ardhmen e shtetit tonë.Në shumë masakra të bëra askush nuk është përgjigj dhe sot ne do ta marrim vet një vendim për Gjykatën Speciale.”
“Kuvendi i Kosovës nuk ka nxjerrë asnjë rezolutë për krimet e luftës dhe duhet të na vjen marre.

SHBA-të dhe BE-ja po thoni se na cenojnë sovranitetin por unë nuk e di si mund ta kemi një sovranitet pa partneritetin me ta./Indeksonline/