Veseli e do Thaçin me çdo kusht president

Analistët vlerësojnë se kryeparlamentarit i intereson që mundësisht sa më shpejt ta heqë qafe Thaçin, për të bërë çfarë dëshiron me Partinë Demokratike.

Ish-kreu i SHIK-ut e pasivizon ish-kryeministrin

Në PDK pritet sundim i ri

Analistët vlerësojnë se kryeparlamentarit i intereson që mundësisht sa më shpejt ta heqë qafe Thaçin, për të bërë çfarë dëshiron me Partinë Demokratike

Derisa akoma nuk po i dihet fatit të zgjedhjes së Hashim Thaçit për president të vendit, analistët politikë vazhdojnë të bëjnë matematika të ndryshme rreth këtij procesi dhe ndikimeve politike që do të ketë zgjedhja e tij eventuale në pozitën e kryetarit të shtetit në PDK, por edhe në rastin tjetër dështimi i kësaj zgjedhjeje.

Sipas analistëve politikë, dështimi eventual i zgjedhjes së Thaçit në krye të shtetit do të ishte një lajm shumë i keq për zëvendëskryetarin e PDK-së, Kadri Veseli, i cili në rastin e zgjedhjes së Thaçit në pozitën e kryetarit të shtetit, me automatizëm e merr drejtimin e PDK-së. Kjo është një arsye plus që e bën kreun e SHIK-ut, Kadri Veseli, që të provojë me çdo kusht ta flakë Thaçin në Presidencë vetëm për ta hequr qafe nga partia, të cilën do ta sundonte ai tash e tutje me bashkëpunëtorët e vet. Sipas analistëve politikë, ambicia e Thaçit drejt pozitës së presidentit të shtetit është fundi i karrierës së tij politike.

Lakmia e tij për t’u bërë president në këtë atmosferë të tendosur politike mund t’ia rrënojë përfundimisht karrierën e tij si lider historik.”Mendoj se kandidatura e Thaçit për postin e presidentit të vendit, zgjedhja e tij eventuale, do të jetë sukses i Veselit në rolin e të parit partiak, që rrjedhimisht do të zhvillojë edhe më tutje partinë përmes mendë- sisë së tij, duke e bërë Thaçin të pafuqishëm dhe përfundimisht për t’ia ulur fuqinë politike”, tha politologu Arsim Haziri për “Kosova Sot”.