Veseli: Doja të shkoja në aeroport për ta ndalë deportimin e gylenistëve, por vonë…

Kryetari i Kuvendit, Kadri Veseli, ka thënë se ndjehet e turpëruar pas asaj që ndodhi dje në vend me rrëmbimin dhe dëbimin e gjashtë shtetasve turq, drejtues dhe profesorë të Kolegjit Mehmet Akif. Veseli tha se nuk ishte i informuar më herët sepse do të provonte të ndalte deportimin.

“I kam thirrur të gjithë. Kamj qenë në gjendje që të shkojë edhe në aeroport. Fatkeqësia e tyre ishte se familjarët lajmëruan vonë atëherë kur fati i tyre ishte gatuar”, ka thënë kryeparlamentari.

Veseli ka thënë se nuk ka qenë asnjëherë më i turpëruar dhe thotë se Kosova dje ka ulur kokën me rrëmbimin e gjashtë shtetasve turq

“Ne krenohemi që nuk i kemi dorëzuar qifutët në luftën e dytë botëore, e cka bëm tani i dorëzuam njerëzit që nuk e dimë ku”, është shprehur Veseli.

“Imagjinoni nëse i mbysin, ku mbetë shteti i pavarur i Kosovës”, ka shtuar ai.

Veseli prej Kuvendit të Kosovës i ka kërkuar falje familjarëve duke marrë fajin përsiper si kryeparlamentar pas ngjarjes që ndodhi dje në vendin tonë. /Express/