Veseli akuzohet se po instalon modelin e nëntokës në krye të shtetit

Akuza e deputetit të LDK-së, Arben Gashi, e adresuar ndaj kryeparlamentarit Kadri Veseli, duke thënë se ai është një njeri i papjekur politik, si dhe politikëbërja e Kadri Veselit është mentalitet i nëntokës, është komentuar në mënyra të ndryshme, qoftë nga bashkëpartiakët e tij, qoftë nga deputetë të opozitës dhe nga analistët politikë.

Analistët: Në publik shfaqet si liberal, në prapaskenë vepron si SHIK

“Është turp që organi më i lartë i shtetit të Kosovës ka në krye një njeri mafioz të nëntokës, që është vetë Kadri Veseli, i cili jo vetëm që është plotësisht i padijshëm, nuk di as t’i formulojë fjalitë, por ka një fjalor të njeriut të pashkolluar dhe nuk di aspak t’i udhëheqë as seancat e Parlamentit. Veseli, duke qenë edhe kapo i krimit, mendon se ai mund të jetë mbi çdo gjë, mbi të gjithë, edhe kryetar Parlamenti, edhe kryeministër, edhe ministër i Kulturës e Sportit, edhe ministër i Mirëqenies Sociale”, tha deputeti i LDK-së, Adem Salihaj, raporton Gazeta Kosova Sot

Akuza e deputetit të LDK-së, Arben Gashi, e adresuar ndaj kryeparlamentarit Kadri Veseli, duke thënë se ai është një njeri i papjekur politik, si dhe politikëbërja e Kadri Veselit është mentalitet i nëntokës, është komentuar në mënyra të ndryshme, qoftë nga bashkëpartiakët e tij, qoftë nga deputetë të opozitës dhe nga analistët politikë. Shumica prej këtyre besojnë në cilësimin e Gashit që ia bën kreut të Kuvendit të Kosovës, ndonëse ai kritikohet pse e ka bërë një reagim kaq të vonuar. Pohimi i Gashit se politikëbërja e Kadri Veselit është mentalitet i nëntokës shihet si diçka që qëndron edhe sipas disa opinionistëve të tjerë, ngase sipas tyre këtë më së miri po e dëshmon vetë sjellja e kryeparlamentarit, si të ishte vetë kreu i ekzekutivit të vendit, pasi është fituar bindja në opinion se Veseli po tenton që me mentalitetin e nëntokës ta marrë edhe primatin si njeriu që do ta shpëtojë ekonominë përmes nënshkrimeve të memorandumeve e marrëveshjeve të ndryshme. “Po, është turp që organi më i lartë i shtetit të Kosovës ka në krye një njeri mafioz të nëntokës, që është vetë Kadri Veseli, i cili jo vetëm që është plotësisht i padijshëm, nuk di as t’i formulojë fjalitë, por ka një fjalor të njeriut të pashkolluar dhe nuk di aspak t’i udhëheqë as seancat e Parlamentit. Veseli, duke qenë edhe kapo i krimit, mendon se ai mund të jetë mbi çdo gjë, mbi të gjithë, edhe kryetar Parlamenti, edhe kryeministër, edhe ministër i Kulturës e Sportit, edhe ministër i Mirëqenies Sociale… Ai mendon se paratë e qytetarëve mund t’ia dhurojë kujt të dojë e kur të dojë, pa asnjë kriter”, tha deputeti i LDK-së, Adem Salihaj.

Kryeparlamentari po i tejkalon kompetencat Deputeti Pal Lekaj, nga AAK-ja, thotë se personalisht nuk i ka të njohura të gjitha ato cilësime që deputetët e LDKsë, partnerë të koalicionit qeverisës, i bëjnë kryetarit të Kuvendit, mirëpo ai thotë se një pjesë të madhe të fajit e bartin edhe vetë ata që i kanë mundë- suar Veselit të jetë në atë pozitë dhe ta shfrytëzojë atë në mënyrën që tani është duke e bërë. “Sa u përket këtyre deklarimeve të LDK-së, konsideroj se këto janë vetëm sa për të krijuar një lloj hutimi te qytetarët, sepse ata i kanë pasur dhe i kanë ditur këto vlerësime edhe më parë. Tani ata edhe vetë janë pjesë e asaj që e thonë dhe nuk është serioze që tani vetëm pas dy vjetësh të bashkëqeverisjes të dalin e të thonë këso deklaratash që për mendimin tim janë jo shumë serioze”, tha Pal Lekaj për “Kosova Sot”.

Një opinion kritik e ka edhe Ismail Kurteshi nga Lëvizja “Vetëvendosje”. ” Vlerësimet ose qëndrimet e personaliteteve politike ndaj çështjeve ose njerëzve të caktuar bazuar në spekulime në parim mendoj se janë metoda të gabuara, shpesh edhe të dëmshme, sidomos kur deklarimet dhe veprimet dallojnë. E kur spekulimet bëhen dukuri, atëherë ato janë të dëmshme jo vetëm për individët ose çështjet e caktuara, por për shoqërinë në tërësi. Në Kosovë që kur institucioni i ndëshkimit nuk ekziston, nevoja për spekulime po ashtu nuk ekziston, sepse shkelje e anomali të ndryshme po bëhen ashiqare. Se Kadri Veseli po i tejkalon kompetencat në shumë fusha, kjo po shihet.

Ai këtë javë deklaroi se të premten do të kalojë Ligji për ‘Trepçën’, siç deklaronin para gjashtë javësh Isa Mustafa e Hashim Thaçi për Demarkacionin. Deklaratat e tilla nuk e dëshmojnë fuqinë politike të individëve të caktuar, por mungesën e kulturës demokratike, për të cilën ata angazhohen verbalisht kur ajo u duhet, por sa herë që demokracia i pengon në realizimin e synimeve të tyre ata e shmangin atë. Kadri Veseli, edhe pse e udhëheq njërin nga tri pushtetet e Kosovës, pra Legjislativin, nuk heziton të paraqitet në rolin e të parit të Ekzekutivit, siç bëri këto ditë me nënshkrimin e një marrëveshje mirëkuptimi me kompaninë nga SHBA-ja për përpunimin e mermerit, madje këtë e bëri në Kuvendin e Kosovës, në prezencën e një ambasadori, i cili vjen nga një vend vërtet demokratik”, tha Kurteshi për “Kosova Sot”. Kurteshi ka pohuar gjithashtu se Kadri Veseli edhe me vizitat e shpeshta familjeve dhe individëve të caktuar paraqitet edhe në rolin e të parit të vendit./kosova sot/